འདི་རིང་ངི་ རྒྱུན་སྒྲོག
September 1, 2026 Tuesday
སེབ་ཊེམ་བར་ཚེས་ 1, 2026། གཟའ་དམིག་མར།
གསུང་མགུར་ 104:32-35། ཁྲིམས་དཔོན་ 13། ལུ་ཀ་ 21:29--38།
།ཁྱོད་མངལ་གྱི་ནང་ནས་བཀོད་པའི་ཁྱོད་ཀྱི་སྒྲོལ་མཛད་ཡ་ཧོ་ཝཱས་འདི་སྐད་གསུང་།
ང་ནི་ཡོད་དོ་ཅོག་མཛད་པའི་ ཡ་ཧོ་ཝཱ་སྟེ། ང་གཅིག་པོས་ནམ་མཁའ་རྣམས་བརྐྱངས་ནས། ང་གཅིག་པོས་ས་བཏིང་བ་ཡིན།
ཡེ་ཤ་ཡཱ་ 44:24།
།ཁང་པ་རེ་ལ་བརྩིག་མཁན་གཅིག་ཡོད། དངོས་པོ་ཀུན་གྱི་བརྩིག་མཁན་ནི་དཀོན་མཆོག་ལགས་སོ།
ཨིབ་རི་པ་ 3:4།
མོ་ར་ཝིའན་ ཆོས་ཚོགས་སི་ ཉི་མ་ རེ་རེའི་ རྒྱུན་སྒྲོག་གི་ སྐོར།
འཇིག་རྟེན་ གང་པོའི་ མ་ཤི་ཀ་པའི་ མོ་ར་ཝིའན་ ཆོས་ཚོགས་ཀུན་ནི་ནང་ང་ ཞག་ རེ་རེ་ཕིའ་ དཀོན་མཆོག་གི་ དམ་པའི་ གསུང་རབ་བི་ནང་ནས་ གསུང་ འདམས་མཁན་ཀུན་ སིལ་ཅེས་སི་ ཚུལ་ཞིག་ ཡོད་དེ་ཡིན་ནོག །འདི་ གསུང་ཀུན་ལ་ ཉིན་རེའི་ རྒྱུན་སྒྲོག་ (ཡིན་ཇིའི་སྐད་དི་ནང་ང་ Watchwords) ཟེར་ར་ནོག །མོ་ར་ཝིའན་ནི་ སྤུན་དང་སྤུན་མ་ ཚང་མའ་ འདི་ རྒྱུན་སྒྲོག་ བཀྲམ་ཅེས་སི་ ཚུལ་བོ་ སྤྱི་ལོ་ 1722 ནང་ང་ འགོ་འཛུག་ཏེ། སྤྱི་ལོ་ 1731 ནས་ ཕར་ལ་ ལོ་ གང་པོའི་ཕིའ་ རྒྱུན་སྒྲོག་བོ་ པར་ལ་ རྒྱབ་ཅེས་ འགོ་འཛུག་ཏེ། དག་ས་ ཚུག་པ་ དེ་ ཚུལ་བོ་ འགྲུལ་འིན་ ཡོངས་ཏེ་ ཡིན་ནོག
འདི་ རྒྱུན་སྒྲོག་བོ་ འཇིག་རྟེན་ནི་ སྐད་སྣ་ 50 སང་ མང་ང་ཀུན་ནི་ནང་ང་ སྒྱུར་ཏེ་ ཧ་ལམ་ དཔེ་ཆ་ ས་ཡ་ གཅིག་དང་ཕེད་ (15,00,000) ཐལ་ཞིག་ ལོ་ཞུང་ པར་ལ་ རྒྱབ་བ་ནོག
འདི་ སྤྱི་ལོའི་ཕིའ་ རྒྱུན་སྒྲོག་ཀུན་ བོད་སྐད་ ཡང་ན་ ལ་དྭགས་ ཆོས་སྐད་དི་ནང་ང་ སྒྱུར་ཏེ་ ཡིན་ནོག །རྒྱུན་སྒྲོག་གི་ གསུང་ཀུན་ "ཡུ་ན་འི་ཏྲད་ བཱ་འི་བལ་ སོ་སའི་ཏྲིས་སིས་" 1948 དང་ 1968 ནང་ང་ པར་ལ་ རྒྱབས་མཁན་ནི་ དམ་པའི་གསུང་རབ་བི་ནང་ནས་ ནེན་ཏེ་ ཡིན་ནོག
འདི་ སྤྱི་ལོའི་ཕིའ་ རྒྱུན་སྒྲོག་ཀུན་ འདི་ (web page) དྲ་ངོས་སི་ཀ་ སིལ་ཐུབ་བ་ནོག་ ཡང་ ཕབ་ཐུབ་བ་ནོག
དཀོན་མཆོག་གི་ བྱིན་རླབས་ དང་ ཁོང་ངི་ ཕྱོགས་ནས་ སེམས་སྟོབས་ ཐོབ་བྱེས་སི་ཕིའ་ ཉེ་རང་ངིས་འང་ ཞག་ཏང་ རྒྱུན་སྒྲོག་བོ་ སིལ་ལ་མཛད་འཇུ།
ཐུགས་རྗེ་ཆེ།
