འདི་རིང་ངི་ རྒྱུན་སྒྲོག
March 14, 2026 Saturday
མརཆ་ཚེས་ 14, 2026། གཟའ་སྤེན་པ།
གསུང་མགུར་ 36། འཐེགས་པ་ 20:22--21:27། མད་ཐཱ་ 23:23-39།
།ཁྱོད་ཅག་མི་སེར་ཡུལ་གཉའ་ཡལ་གྱི་ཁང་པ་ནས་བཏོན་པའི་ཁྱོད་ཅག་གི་དཀོན་མཆོག་ཡ་ཧོ་ཝཱ་ནི་ང་ཡིན།
འཐེགས་པ་ 20:2།
།སྤུན་རྣམས། ཁྱེད་རྣམས་རང་དབང་ལ་བོས་པས།
བདག་འཛིན་ལ་སྐབས་མ་བཏང་བར། བྱམས་པའི་སྒོ་ནས་གཅིག་གིས་གཅིག་ལ་གཡོག་བྱོས་ཤིག
ག་ལད་ཡཱ་པ་ 5:13།
མོ་ར་ཝིའན་ ཆོས་ཚོགས་སི་ ཉི་མ་ རེ་རེའི་ རྒྱུན་སྒྲོག་གི་ སྐོར།
འཇིག་རྟེན་ གང་པོའི་ མ་ཤི་ཀ་པའི་ མོ་ར་ཝིའན་ ཆོས་ཚོགས་ཀུན་ནི་ནང་ང་ ཞག་ རེ་རེ་ཕིའ་ དཀོན་མཆོག་གི་ དམ་པའི་ གསུང་རབ་བི་ནང་ནས་ གསུང་ འདམས་མཁན་ཀུན་ སིལ་ཅེས་སི་ ཚུལ་ཞིག་ ཡོད་དེ་ཡིན་ནོག །འདི་ གསུང་ཀུན་ལ་ ཉིན་རེའི་ རྒྱུན་སྒྲོག་ (ཡིན་ཇིའི་སྐད་དི་ནང་ང་ Watchwords) ཟེར་ར་ནོག །མོ་ར་ཝིའན་ནི་ སྤུན་དང་སྤུན་མ་ ཚང་མའ་ འདི་ རྒྱུན་སྒྲོག་ བཀྲམ་ཅེས་སི་ ཚུལ་བོ་ སྤྱི་ལོ་ 1722 ནང་ང་ འགོ་འཛུག་ཏེ། སྤྱི་ལོ་ 1731 ནས་ ཕར་ལ་ ལོ་ གང་པོའི་ཕིའ་ རྒྱུན་སྒྲོག་བོ་ པར་ལ་ རྒྱབ་ཅེས་ འགོ་འཛུག་ཏེ། དག་ས་ ཚུག་པ་ དེ་ ཚུལ་བོ་ འགྲུལ་འིན་ ཡོངས་ཏེ་ ཡིན་ནོག
འདི་ རྒྱུན་སྒྲོག་བོ་ འཇིག་རྟེན་ནི་ སྐད་སྣ་ 50 སང་ མང་ང་ཀུན་ནི་ནང་ང་ སྒྱུར་ཏེ་ ཧ་ལམ་ དཔེ་ཆ་ ས་ཡ་ གཅིག་དང་ཕེད་ (15,00,000) ཐལ་ཞིག་ ལོ་ཞུང་ པར་ལ་ རྒྱབ་བ་ནོག
འདི་ སྤྱི་ལོའི་ཕིའ་ རྒྱུན་སྒྲོག་ཀུན་ བོད་སྐད་ ཡང་ན་ ལ་དྭགས་ ཆོས་སྐད་དི་ནང་ང་ སྒྱུར་ཏེ་ ཡིན་ནོག །རྒྱུན་སྒྲོག་གི་ གསུང་ཀུན་ "ཡུ་ན་འི་ཏྲད་ བཱ་འི་བལ་ སོ་སའི་ཏྲིས་སིས་" 1948 དང་ 1968 ནང་ང་ པར་ལ་ རྒྱབས་མཁན་ནི་ དམ་པའི་གསུང་རབ་བི་ནང་ནས་ ནེན་ཏེ་ ཡིན་ནོག
འདི་ སྤྱི་ལོའི་ཕིའ་ རྒྱུན་སྒྲོག་ཀུན་ འདི་ (web page) དྲ་ངོས་སི་ཀ་ སིལ་ཐུབ་བ་ནོག་ ཡང་ ཕབ་ཐུབ་བ་ནོག
དཀོན་མཆོག་གི་ བྱིན་རླབས་ དང་ ཁོང་ངི་ ཕྱོགས་ནས་ སེམས་སྟོབས་ ཐོབ་བྱེས་སི་ཕིའ་ ཉེ་རང་ངིས་འང་ ཞག་ཏང་ རྒྱུན་སྒྲོག་བོ་ སིལ་ལ་མཛད་འཇུ།
ཐུགས་རྗེ་ཆེ།
