ལ་དྭགས་སི་སྐད་དི་ ཝེབ་སའིཊ་ཊི་ཀ་ ཉེ་རང་ང་ ཕེབས་བསུ་ ཞུའད།

འདི་ ཝེབ་སའིཊ་ཊི་ཀ་ ཉེ་རང་ངིས་ ལ་དྭགས་ ཕལ་སྐད་ལ་ དཀོན་མཆོག་གི་ དམ་པའི་ གསུང་རབ་ སིལ་ཅེས་ དང་ གསན་ཅེས་ལ་ ཐོབ་བ་ནོག
ཡང་ སྐྱབས་མགོན་ ཡེ་ཤུའི་ སྐུ་ཚེའི་ སྐོར་ལ་ གློག་བརྙན་ (པིག་ཅར་/film) གཟིགས་ཐུབ་བ་ནོག

༄༅༎ ཀུན་དབང་ དཀོན་མཆོག་ བདེན་པ་ གཅིག་ཅིག་གིས་ སལ་མཁན་ནི་ དམ་པའི་ གསུང་རབ་བི་ནང་ང་། ཁོང་ངིས་ འདི་ འཇིག་རྟེན་འཁོར་བ་ གང་པོ་ དང་། མི་ དང་། སེམས་ཅན་བྱ་བྱིའུ་ཀུན་ མཛད་མཁན་ནི་ སྐོར་ལ་ སིལ་ཅེས་ལ་ ཐོབ་འདུག །ཡང་ སྐྱབས་མགོན་ ཡེ་ཤུའི་ སྐུ་ཚེའི་ ལོ་རྒྱུས་ དང་། ཁོང་ངི་ ཆོས་སི་ བསླབ་བྱ་ དང་ བཀའ་རྒྱ་ཀུན་ དང་། ཁོང་ངི་ ཕྱག་ལས་ དང་ ཧ་ལས་ཤེས་སི་ མཛད་པ་ཀུན་ནི་ སྐོར་ལ་ སིལ་ཅེས་ལ་ ཐོབ་འདུག །འདི་བོ་ ཞལ་ཆད་ སོ་མ་ ཟེར་མཁན་ནི་ དམ་པའི་ གསུང་རབ་བི་ ཁག་ གཉིས་པའི་ འགོ་མའི་ དཔེ་ཆ་ བཞི་བོའི་ནང་ང་ སིལ་ཅེས་ལ་ ཐོབ་འདུག །གཞན་ དཔེ་ཆ་ཀུན་ སྐྱབས་མགོན་ ཡེ་ཤུ་ གྲོངས་ཏེ་ནང་ ཡང་ སྐུ་གསོན་ཏེའ་ བཞངས་ཏེ་ ནམ་མཁའཱ་ འཕགས་ཏེ་ རྟིང་ནས་ ཁོང་ངི་ སྐུ་ཚབ་ དང་ གཞན་ ཆོས་བཤད་པ་ཀུན་ནིས་ མ་ཤི་ཀ་པའི་ ཆོས་སི་ བཀའ་རྒྱ་ དང་། བསླབ་བྱ་ དང་། མཐའ་མའི་དུས་སི་ སྐོར་ལ་ ཞིབ་གསལ་ བྲིའ་མཛད་དེ་ ཡིན་ནོག
     ཉེ་རང་ངིས་ དམ་པའི་ གསུང་རབ་ སིལ་ཟ་ནེ་ དཀོན་མཆོག་གིས་ ཉེ་རང་ང་ བྱིན་རླབས་ སལ་ཤིག

དམ་པའི་ གསུང་རབ་ སིལ་ཅེས་ལ་ པར་ ལྟག་པའི་ཀ་ ཡང་ན་ འདི་ཀ་ མནན་ན་མཛད།

དམ་པའི་ གསུནང་རབ་བི་ ཆོས་དེབ་ ཁ་ཅིག་ པི་ཌི་ཨེཕ་ (pdf) པར་རྣམ་ལ་ སིལ་ཐུབ་ཉན་ན་ནོག་ ཡང་ ཕབ་ཉན་ན་ནོག

དམ་པའི་ གསུང་རབ་ གསན་ཅེས་ལ་ འདི་ཀ་ མནན་ན་མཛད།